नाव गुलाबजाम. २०१८ चा आहे.
आणि कमीतकमी शब्दात व्यक्त करायचं तर फारच सुंदर आहे.
काही काही सिनेमे असे असतात की त्यात भावनिक उलाढाली नसतात पण हळवे तरंग मात्र असतात. कदाचित हे वाक्यही चुकलंय इथे. पण असंच काहीतरी म्हणायचंय.
Thrill नाही, suspense नाही, adventure नाही, romance नाही, काळजाला हात घालून अश्रू पिळून काढेल असंही काही नाही.... पण काळजात घर मात्र करून जाईल असं काहीतरी....
शांतपणे पुढे सरकणारी कथा, रहस्यमयी नसून सुद्धा खुर्चीला खिळवून ठेवते.
सुरेख दिग्दर्शन, आणि चपखल अभिनय.
या क्षणी इतकं स्थिर वाटतंय की फार व्यक्त सुद्धा व्हावंसं वाटत नाहीये.
सिनेमे पाहून आपण सुन्न होतो, दुःखी होतो, आनंदी होतो, हसून बेजार झालेले असतो, उत्तेजित होतो, असं बरंच काही सिनेमे संपल्यावर वाटतं.
पण सिनेमा संपल्यावर शांत आणि प्रसन्न वाटलं असं फार कमी वेळा होतं. गुलाबजाम हा तो दुर्मिळ अनुभव आहे.
